7 iyul 2011 17:54
Litva millisinin üzvü rəsmən Bakı`da! (FOTO)
“Bakı” futbol klubu Litva millisinin üzvü ilə 2 illik müqavilə imzalayıb. Azerisport.az xəbər verir ki, 30 yaşlı Edqaras Çesnauskis 2013-cü ilə qədər “Bakı”nın idman şərəfini qoruyacaq.
1981-ci ilin 30 iyun tarixində anadan olan Çesnauskisin futbolçu karyerası Litvanın “Ekranas” klubunda başlayıb. 1997-2000-ci illərdə Panevejis klubunun şərəfini qoruyan müdafiəçi Rusiyanın “Dinamo” Moskva klubuna transfer olunub.
2003-cü ilə qədər “Dinamo” forması geyən litvalı futbolçu, 2004-cü ildə Moskvanın digər iddialı klubu “Lokomotiv”ə keçib. Edqaras 2005-2009-cu illərdə Şotlandiyanın “Hearts” (Heart of Midlothian) klubunda çıxış edib. Bu klubda 68 oyun keçirən Çesnauskis 5 qola imza atıb.
2009-cu ildə Yunanlstan təmsilçisi “Erqotelis”lə anlaşan futbolçu (24 oyun 2 qol), 2010-cu ildə ünvanını “Aris”ə dəyişib. Cari mövsüm 15 dəfə Yunanıstan çempionatında forma geyən Edqaras Çesnauskis bu gündən etibarən “zolaqlılar”ın Sloveniyada keçirdiyi təlim-məşq toplantısına qatılıb.
Litva milli komandasının hetərində 37 oyun keçirib, 4 qola imza atıb. Boyu 181 sm-dir.
