7 iyul 2011 11:58
Danışılmış oyunlarda günahı olanlar və olmayanlar açıqlandı
Türkiyə futbolunda danışılmış oyunlarla bağlı əməliyyat çərçivəsində saxlanılan “Fenerbahçe” klubunun prezidenti Əziz Yıldırım haqqında 11-ci Ağır Cəza Məhkəməsi yaxalanma qərarı çıxarıb. Azerisport.az xəbər verir ki, polis idarəsində dindirilmə zamanı halı pisləşən Yıldırım İstanbul Universitetinin Kardiologiya İnstitutunda 4 günlük saxlanılma müddəti başa çatıb.
Vəkillərinin tələbi ilə onun barəsində həbs qətimkan tədbiri götürülüb. Amma istintaqı aparan prokuror 11-ci Ağır Cəza Məhkəməsindən yaxalanma qərarı çıxarılmasını istəyib. Məhkəmə də bu tələbi yerinə yetirib.
Qeyd edək ki, danışılmış oyunlarla bağlı saxlanılmış 20 adamın istintaqı artıq başa çatıb. Onlarla bağlı qərar da açıqlanıb. Qərara görə, işi məhkəməyə göndərilən 20 nəfərdən 15-inin həbsi, qalan beşinin isə buraxılması nəzərdə tutulub. Haqqında həbs-qətiimkan tədbiri seçilənlər həbsxanaya aparılıblar. Həmin şəxslər isə bunlardı:
“Fenerbahçe”nin vitse-prezidenti Şekip Mosturoğlu
“Fenerbahçe”nin idarə heyətinin üzvü İlhan Ekşioğlu
“Sivasspor”un prezidenti Mecnun Otyakmaz
“Fenerbahçe”nin aşağı yaş qruplarından ibarət komandaların rəsmisi Cemil Turan
“Eskişehirspor”un baş məşqçisi Bülent Uygun
“Eskişehirspor”un idman direktoru Ümit Karan
“Fenerbahçe”nin mühasibi Tamer Yelkovan
“Sivasspor”da ötən mövsüm icarə əsasında forma geyən Korcan Çelikay
Ali Kıratlı
Bülent İbrahim İşçen
Sami Dinç
Yusuf Turanlı
Abddullah Başok
Ahmet Çelebi
Mehmet Yenice
Sərbəst buraxılmasına qərar verilən qalan 5 nəfər isə bunlardı:
Erkan Zenginin meneceri Doğan Ercan, “Genlerbirliği”nin sabiq məşqçisi Cengiz Demirel, “Altay”ın futbolçusu Mehmet Şen, Emenikenin meneceri Erdem Konyar, Yavuz Ağargöl.
Erkan Zenginin meneceri Doğan Ercan, “Genlerbirliği”nin sabiq məşqçisi Cengiz Demirel, “Altay”ın futbolçusu Mehmet Şen, Emenikenin meneceri Erdem Konyar, Yavuz Ağargöl.
Qeyd edək ki, bir gün öncə sərbəst buraxılmasına qərar verilən şəxslər isə bunlar idi: “Eskişehirspor”dan “Fenerbahçe”yə transfer olunan Sezer Öztürk, “Kardemir Karabükspor”dan “Fenerbahçe”yə transfer olunan Emmanuel Emenike, “Gençlerbirliği”nin futbolçusu Mahmut Boz, Tuğrul Çağrı Özer və Mustafa Efe.
