7 iyul 2011 00:35
"AZAL ilə matçın taleyinin penaltilərə qalmasını istəmirik"
Belarusun “Minsk” klubunun baş məşqçisi Vitali Tarakanov UEFA Avropa Liqasının birinci təsnifat mərhələsinin AZAL ilə cavab oyunu öncəsi mətbuat konfransı keçirib. Azerisport.az həmin mətbuat konfransından hazırlanan reportajla sizi də tanış edir.
- Çempionatın son turunda əsas heyətin bir çox üzvünü qorumağa üstünlük vermişdiniz...
- Belə sıx qrafiklə oynamaq təbii ki, futbolçular üçün çox ağırdı. Oyunçularımızı qorumağa üstünlük vermişdik. AZAL ilə oyuna yaxşı hazırlaşmaq istəyirdik. Şanslar bərabərdi. Xarakter göstərən komanda qələbə qazanacaq. Müsbət nəticəyə ümid bəsləyirik. Bizim bəzi problemlərimiz var. Simonsun durumu barədə heç nə deyə bilmirəm. Amma Petrauskas, Şirokov və Xaçaturyan dəqiq sabahkı (bu günkü – azerisport.az) oyunda iştirak edə bilməyəcəklər.
- Komandanız səfər oyunlarında daha çox xal toplayıb, nəinki evdə. Bunun sirri nədədi?
- Deməzdim ki, “Minsk” səfər komandasıdı. Sadəcə, belə alınır. Səfərdə daha çox xal toplaya bilirik, nəinki evdə.
- Deməzdim ki, “Minsk” səfər komandasıdı. Sadəcə, belə alınır. Səfərdə daha çox xal toplaya bilirik, nəinki evdə.
- Penalti seriyasına hazırlaşırsız, yoxsa inanırsız ki, AZAL əsas vaxtda qələbə qolunu vura bilməyəcək?
- Penaltilərə hazırıq. Amma matçın taleyinin lotereyaya qalmasını istəmirik. Oyun evdə keçirilir və bundan maksimum yararlanıb qələbə qazanmalıyıq. Bu turnirdə mümkün qədər çox irəliləmək istəyirik. Bakıda vurduğumuz qol bizə çox böyük üstünlük qazandırıb. Amma biz müdafiəyə qapanmayacağıq. “Minsk” hücum komandasıdı.
- AZAL-ı necə dəyərləndirərdiz?
- Legionerlərinin səviyyəsi məni çox təəccübləndirdi. Onlar sizin klubda böyük rol oynayırlar. Orta xətti çox yaxşı təsir bağışladı. Ona görə də cavab oyunu çox gərgin keçəcək. Yəqin ki, komandanız bu oyunda qələbəyə köklənib.
- Legionerlərinin səviyyəsi məni çox təəccübləndirdi. Onlar sizin klubda böyük rol oynayırlar. Orta xətti çox yaxşı təsir bağışladı. Ona görə də cavab oyunu çox gərgin keçəcək. Yəqin ki, komandanız bu oyunda qələbəyə köklənib.
- İlk oyundan sonra Nazim Süleymanov bildirdi ki, sizin komanda Azərbaycan Premyer Liqasında ilk altılığa düşə bilməzdi...
- Xoşagəlməz açıqlamadı. Amma istərdim ki, futbolçularım buna meydandakı oyunlarıyla cavab versinlər. Çox şey demək olar.
- Sizcə, AZAL Belarus çempionatında neçənci yeri tuta bilərdi?
- Sizin klublarda 8 legioner çıxış edə bilər, bizdə isə 4. Müqayisə yersizdi. Qoy bunu Nazim Süleymanov eləsin. O, yaxşı futbolçu olub. Yaxşı insani keyfiyyətlərə malikdi.
