8 iyul 2011 14:52
Xəzər Lənkəran İsraildə dəstəksiz qalmayacaq
UEFA Avropa Liqasının ikinci təsnifat mərhələsindən mübarizəyə başlayacaq Azərbaycan kubokunun qalibi “Xəzər Lənkəran” İsrailin “Maccabi” klubu ilə səfər matçında dəstəksiz qalmayacaq. Azerisport.az xəbər verir ki, komandamıza Təl-Əvivdə baş tutacaq qarşılaşmada bu ölkədə yaşayan azərbaycanlılar da azarkeşlik edəcək.
Bu haqda orda yaşayan həmyerlilərimiz sosial şəbəkələr vasitəsilə xəbərlər göndərməkdədilər. “Xəzər Lənkəran” fanatları onlara belə müraciətlərin heç də az olmadığını bildirirlər. Qarşılaşmaya konkret nə qədər həmyerlimizin gələcəyi isə hələlik dəqiq bilinmir.
Maraq üçün qeyd edək ki, “Maccabi” – “Xəzər Lənkəran” görüşü iyulun 14-də keçiriləcək və Bakı vaxtı ilə saat 22:30 (yerli vaxtla 20:30) da başlayacaq. Qarşılaşma “Blumfild” stadionunda baş tutacaq.
