8 iyul 2011 15:44
Qarabağ`ın yeddi yeni rekordu
“Qarabağ” ardıcıl 3-cü Avroliqa mövsümünə də fırtına kimi başladı. Azerisport.az xəbər verir ki, bu 3 mövsümdə daim özünəməxsus rekordları yeniləyən Qurban Qurbanovun komandası yenə də “boş” dayanmadı.
Dünən Litvanın “Banga” kollektivini qəbul edən “Qarabağ” 3:0-lıq qələbə qazanmaqla bir sıra rekordlara imza atdı. Ağdam klubunun rekordlarının siyahısı isə aşağıdakı kimidi:
1. “Qarabağ” avrokuboklarda 30-cu oyununa çıxaraq özünəməxsus yubuleyə çatdı.
2. “Qarabağ” eyni zamanda “Banga” üzərində qələbəylə avrokuboklarda xal sayını 36-ya çatdıraraq ilk pilləyə yüksəldi
3. “Qarabağ” 30-cu oyununda 10-cu qələbəsini qazanmaqla “Neftçi”ylə qələbə sayını bərabərləşdirdi
4. “Qarabağ” avrokuboklarda qollarının sayını 29-a çatdıraraq təkhakimiyyətliliyə yiyələndi
5. “Qarabağ” bir mərhələdə rəqibini hər 2 oyunda darmadağın etməklə növbəti ilkə imza atdı
6. Eyni zamanda indiyə kimi heç bir klubumuz bir mərhələdə nə 7 qol, nə də 7 topluq fərqə malik olmuşdu
7. “Qarabağ” avrokuboklar tarixində 3-cü darmadağınla öz rekordunu daha da təkmilləşdirdi
“Qarabağ”ın mətbuat xidməti
