9 iyul 2011 14:54
Maccabi Xəzər Lənkəranı hərtərəfli öyrənib
Azərbaycan kubokunun qalibi “Xəzər Lənkəran”ın Avropa Liqasının ikinci təsnifat mərhələsindəki rəqibi olan İsrailin “Maccabi” (Təl-Əviv) klubu iyulun 14-də keçiriləcək ilk oyuna tam hazırdı. İsrail mətbuatının yaydığı məlumata görə, paytaxt klubu nəzərdə tutulan bütün transferləri həyata keçirərək oyunun başlamasını səbirsizliklə gözləyir.
Azerisport.az xəbər verir ki, Avstriyada təlim məşq toplanışında olan “Xəzər Lənkəran”ın hazırlıqlarını izləmək üçün klubun əməkdaşı Qadi Karmeli bu ölkəyə səfər edərək “Xəzər Lənkəran”ın hazırlığı haqqında ətraflı məlumat da toplayıb. “Maccabi”nin düşərgəsinə qayıdan Karmeli lazımi məlumatları klub rəhbərliyinə çatdırıb. Fulpmes şəhərciyinin “Stubaierhof” otelində məskunlaşan “Xəzər Lənkəran” haqqında istənilən məlumatı almaq üçün “Maccabi”nin casusu əvvəlcə çətinliklə rastlaşsa da, sonradan problemi həllə edə bilib.
“Xəzər Lənkəran”ın səhər və axşam məşqləri, həmçinin düşərgəyə gələn yeni futbolçularla bağlı müfəəssəl məlumatlar toplayan Qadi Karmelin İsrailə operativ ötürdüyü bəzi məlumatlar bir neçə saat sonra Azərbaycan mətbuatında yayımlanırmış. İsrail mətbuatı “Maccabi”nin bu operativ çalışa bilmək bacarığını qabardaraq qeyd edir ki, “Xəzər Lənkəran”ın hər bir yeni futbolçusunun karyerası Təl-Əviv komandasının məşqçilər korpusu tərəfindən diqqətlə araşdırılıb. (12-ci oyunçu)
