9 iyul 2011 00:08
Əziz Yıldırımın günahı sübut olundu
Türkiyə futbolundakı danışılmış oyunlarla bağlı istintaqa cəlb olunan “Fenerbahçe” klubunun prezidenti Əziz Yıldırım haqda qərar çıxarılıb. Azerisport.az xəbər verir ki, istintaqa cəlb olunan klub rəhbərinin əvvəlki günlərdə səhhəti imkan vermədiyindən proses gedikirdi.
Lakin həkimlərin nəzarəti altında nəhayət onun da rəyi alınıb. İstintaqın nəticəsinə əsasən “Fenerbahçe” prezidentinin də günahı sübut olunub və o, həbs olunma qərarı ilə məhkəməyə verilib.
Maraqlıdı ki, Əziz Yıldırım haqqında çıxarılan bu qərardan sonra yenidən halı pisləşdiyi üçün xəstəxanaya götürülüb. Qeyd edək ki, o, şəkər və təzyiqdən əziyyət çəkir.
Əziz Yıldırımdan öncə danışılmış oyunlarla bağlı xeyli insannın günahı sübut olunaraq məhkəməyə verilmişdi. Onların arasında “Eskişehirspor”un baş məşqçisi Bülent Uyğun, klubun idman direktoru Ümit Karan və daha bir sıra futbol adamları var idi.
