10 iyul 2011 11:25
“Avrokuboklara belə rəqiblərlə başlamaq istəyənlər, oynayıb, qələbə qazansınlar”
“Qarabağ”ın hücumçusu Vüqar Nadirov azerisport.az saytına müsahibəsində komandasının Avropa Liqasındakı çıxışını dəyərləndirib.
- Qarşıdakı “Streymur”la oyundan nə gözləyirsiz?
- Mən YouTube-da bu komandanın iştirakıyla baş tutan bəzi oyunlara baxmışam. Yaxşı komandadı. Mən onların zəif hesab etməyin əleyhinəyəm. Onların xüsusilə yaxşı müdafiə xəttinin olduğunu deyə bilərəm.
- Yəni hələlik tanışlığınız yalnız internetlə kifayətlənir?
- Bəli, elədi.
- Sizcə, “Streymur” “Banga”dan güclüdü?
- Mənə elə gəlir ki, hə. Amma istənilən halda hər şeyi oyunlar göstərəcək. Əlbəttə, “Banga” səviyyəcə bizə uduzurdu. Mən hətta bəzilərindən belə atmacalar da eşidirdim ki, rəqibimiz həddən artıq zəif idi. Amma biz belə rəqibi öz zəhmətimizlə haqq etmişik. Əvvəlki illərdəki çıxışımızla, qazandığımız reytinq xallarımızla. Əgər kimsə avrokuboklara belə rəqiblərlə başlamaq istəyirsə, qoy oynasın, qələbə qazansın.
- Mənə elə gəlir ki, hə. Amma istənilən halda hər şeyi oyunlar göstərəcək. Əlbəttə, “Banga” səviyyəcə bizə uduzurdu. Mən hətta bəzilərindən belə atmacalar da eşidirdim ki, rəqibimiz həddən artıq zəif idi. Amma biz belə rəqibi öz zəhmətimizlə haqq etmişik. Əvvəlki illərdəki çıxışımızla, qazandığımız reytinq xallarımızla. Əgər kimsə avrokuboklara belə rəqiblərlə başlamaq istəyirsə, qoy oynasın, qələbə qazansın.
- “Qarabağ”ı Farer adalarının klubu ilə qarşılaşmada da favorit hesab edə bilərik?
- Mən favoritin adını açıqlamaq istəmirəm. Şanslar onsuz da bərabərdi. Biz hələ “Streymur”la oyunların heç birini keçirməmişik. İlk oyunumuz səfərdədi. Ona görə də çətin ola bilər, indidən nəsə demək mümkünsüzdü.
- Amma üçüncü mərhələdəki rəqibiniz tam fərqli olacaq...
- Gəlin hələ öncə “Streymur”u keçək. Bu rəqibi keçəndən sonra üçüncü təsnifat mərhələsindəki rəqibimiz haqda da danışarıq.
- “Banga” ilə oyunlarda bir neçə yüz faizli qol epizodlarını qaçırmağınıza nə səbəb oldu?
- Əlbəttə, qol vurmağı hər zaman istəyirsən. Bütün futbolçular mümkün qədər çox qol vurmağa çalışır. Amma digər tərəfdən komandan qalib gələndə bir qədər arxayınlaşma da olur.
- Bu arxayınlaşma xüsusilə Bakıdakı oyunun ikinci hissəsində aşkar hiss olunurdu...
- Olan işdi. Biz üç yaxşı hissə oynamışdıq. Bir qədər özümüzü də qorumalıydıq. Bu, normaldı.
