11 iyul 2011 17:46
XL azarkeşlərindən qeyri-adi addım
Azərbaycan kubokunun qalibi “Xəzər Lənkəran”ın azarkeşləri Lənkəran şəhər stadionunun rəhbərliyinə müraciət ünvanlayıblar. Azerisport.az xəbər verir ki, arenanın direktoru Höccət Hacıyevə ünvanlanmış müraciətdə “ağ-yaşılları”ın Avropa Liqasının ikinci təsnifat mərhələsinin İsrail “Maccabi”si (Təl-Əviv) ilə matçının canlı yayımını təşkil etməkdi.
Məlum olduğu kimi, cənub təsmilçisi iyulun 14-də səfərdə səfərdə “Maccabi” ilə ilk oyununa çıxacaq. Lənkəranlı azarkeşlər isə həmin oyuna ayrı-ayrı evdə yox, birlikdə Lənkəran şəhər stadionunda baxmaq arzusundadılar. Belə ki, “Fırtınalar meydanı”nda yerləşdirilən böyük tablo vasitəsilə bu görüşü daha çox azarkeşin eyni vaxtda izləməsini təşkil etmək olar.
Hələlik, arena rəhbərliyinin azarkeşlərin bu istəyini nə dərəcədə yerinə yetirəcəyi dəqiq bilinmir. Amma azarkeşlərin müraciətinin kiçik bir qismi ilə sizi tanış etmək istərdik: “Məhz belə bir zamanda komandamıza daha çox dəstək vermək və bu həyəcanı bütün azarkeşlərimizin birlikdə yaşaması, həmçinin komandamızın bu çətin səfər oyunundan sərfəli nəticə ilə geri dönməsi üçün daha bir qeyri adi formada, özümüzəməxsus dəstəyimizi nümayiş etdirmək üçün bizlərə kömək etməyinizi xahiş edirik”.
Qeyd edək ki, “Maccabi” – “Xəzər Lənkəran” matçı iyulun 14-də “Blimfuld” stadionunda keçiriləcək və Bakı vaxtı ilə 22:30-da start götürəcək.
