11 iyul 2011 18:23
Yerko Leko: Neftçinin bizə qarşı şansı yoxdu
Xorvatiya çempionu “Dinamo”nun (Zaqreb) yarımmüdafiəçisi Yerko Leko azerisport.az saytına müsahibəsində UEFA Çempionlar Liqasının ikinci təsnifat mərhələsi çərçivəsində Azərbaycanın “Neftçi” klubu ilə mübarizədəki şanslarından danışıb.
- Qarşıdakı rəqibinizdən nə gözləyirsiz?
- Mənim fikrimcə, ağır oyun olacaq. Çünki qarşıda bizi Bakıya səfər gözləyir. Azarkeşlər və klub rəhbərliyi bizdən qələbə gözləyirlər. Qarşımıza böyük vəzifələr qoyulub. İlk növbədə isə “Neftçi”ni keçməliyik.
- Mənim fikrimcə, ağır oyun olacaq. Çünki qarşıda bizi Bakıya səfər gözləyir. Azarkeşlər və klub rəhbərliyi bizdən qələbə gözləyirlər. Qarşımıza böyük vəzifələr qoyulub. İlk növbədə isə “Neftçi”ni keçməliyik.
- Rəqibi iş başında görmüsüz?
- Bəli, DVD ilə bəzi oyunlarını izləmişik. Məsələn, “Bakı” ilə derbi matçına baxmışıq. Bundan əlavə iki ev oyununuz izləmişik. Bakılıların həm güclü, həm də zəif cəhətlərini bilirik. Amma həmin məqamları açıqlamayacağam (gülür). Flavinyonu qeyd edə bilərəm. Mpenza da həmçinin böyük təcrübəyə malikdi. Hər an qol vura bilər. Bizə “Neftçi”nin hücumlarının qarşısını səliqə ilə almaq lazımdı.
- Siz Azərbaycan çempionunun hücum xəttindən çəkinirsiz?
- Belə kimin necə təhlükəli olduğunu bilirik. Amma istənilən halda müdafiəçilərimiz ehtiyatlı olmalıdırlar. Biz artıq onlarla danışmışıq. Sabah yenə iclasımız olacaq. Fikrimcə, səliqəli oynaya biləcəyik. İstənilən halda heç kimdən qorxmuruq. Sadəcə, rəqibə hörmət edirik. Axı o, Azərbaycan çempionudu. Bunu unutmamalıyıq.
- Mətbuat konfransında qeyd etdiniz ki, şanslar 70-in 30-a “Dinamo”nun xeyrinədi. Belə əminlik sizdə hardandı?
- Mən öz komandamın gücünə əminəm və optimist olmağa çalışıram. Ona görə ki, stadionumuz tam dolu olacaq və azarkeşlər bizi lazımi şəkildə dəstəkləyəcəklər. “Dinamo”nun böyük ambisiyaları var. Bizim “Neftçi”nin oyununa mane ola biləcək gücümüzün olduğunu düşünürəm.
- Mən öz komandamın gücünə əminəm və optimist olmağa çalışıram. Ona görə ki, stadionumuz tam dolu olacaq və azarkeşlər bizi lazımi şəkildə dəstəkləyəcəklər. “Dinamo”nun böyük ambisiyaları var. Bizim “Neftçi”nin oyununa mane ola biləcək gücümüzün olduğunu düşünürəm.
- İlk oyunda sizi hansı hesab qane edəcək?
- İki top fərqi ilə istənilən hesablı qələbə. 1:0 da udsaq, razı qalacam. Bizi səfərdə də oyun gözləyir. Amma “Dinamo” səfərdə oynaya bilir. Odu ki, “Neftçi”ni doğma divarlar arasında yenməklə səfərə bir qədər də rahat yollanmaq istəyirik.
- İki top fərqi ilə istənilən hesablı qələbə. 1:0 da udsaq, razı qalacam. Bizi səfərdə də oyun gözləyir. Amma “Dinamo” səfərdə oynaya bilir. Odu ki, “Neftçi”ni doğma divarlar arasında yenməklə səfərə bir qədər də rahat yollanmaq istəyirik.
- Bakıda da stadion tam dolu olacaq...
- Mən buna ancaq şad ola bilərəm. Çünki dolu tribunalar qarşısında oynamaq məni daha çox motivasiya edir. Əsas odu ki, “Neftçi” Zaqrebdə bizə qol vura bilməsin. Biz üstünlüyü rəqibə verə bilmərik.
- “Neftçi” sizi təəccübləndirə bilər?
- Əlbəttə. Amma bu, yalnız o halda baş verəcək ki, bizdə nəsə alınmasın. Bizim işlərimiz yolunda gedəcəyi halda isə “Neftçi”nin “Dinamo”ya qarşı şansının olmayacağını düşünürəm.
