12 iyul 2011 00:01
Qarabağ cırtdan ölkəyə itkiylə getdi
Avropa Liqasının ikinci mərhələsində Farer adalarının “Streymur” klubunun qonağı olacaq “Qarabağ” bu səhər paytaxtı tərk edəcək. Azerisport.az xəbər verir ki, səhər saatlarında Bakı – İstanbul – Kopenhagen reysiylə yola düşəcək komanda Danimarkanın paytaxtında Farer adalarının eyni statuslu şəhəri Torshavna keçəcək.
Sabahı yolda keçirəcək ağdamlılar bir də növbəti gün məşqə çıxacaq. Komandamız oyunun keçiriləcəyi stadionda yerli vaxtla 18:00-da (Bakı vaxtıyla 22:00-da) məşqə çıxacaq. “Qarabağ” Farer adalarına son məşqdə zədələnmiş Tural İsgəndərovsuz yollanır.
Xatırladaq ki, Avroliqanın ikinci təsnifat mərhələsinin “Streymur” – “Qarabağ” oyunu iyulun 14-də keçiriləcək və Bakı vaxtıyla 23:00-da başlayacaq.
