12 iyul 2011 00:03
İnter Türkiyə toplanışını başa vurdu
Türkiyənin İsparta şəhərində təlim-məşq toplanışında olan "İnter" hazırlıqlarını yekunlaşdırıb. Azerisport.az xəbər verir ki, “bankirlər” ötən gün toplanışın axırıncı məşqinə çıxıblar.
Hazırlıq planına əsasən komanda son gün ərzində 1 məşq keçirib. Səhər saatlarında baş tutan məşqdə komanda əsasən fiziki hazırlıq üzərində işləyib.
Beləliklə, iyunun 24-dən Türkiyənin İsparta şəhərində məskunlaşan "İnter" təlim-məşq toplanışını başa vurun.
Qeyd edək ki, 18 gün davam edən toplanış çərçəvəsində komanda 3 yoxlama ğörüşü keçirib. Bu oyunlarda "İnter" 1 qələbə qazanıb,1 dəfə heç-heçə edib və 1 dəfə məğlub olub. 3 görüşdə komanda 8 qol vuraraq öz qapısında 5 top görüb.
Sonda onu da əlavə edək ki, "İnter" bu gün vətənə qayıdacaq.
