12 iyul 2011 01:46
Avropa ÇL həyəcanı içində
Bu gün UEFA Çempionlar Liqasının ikinci təsnifat mərhələsinin oyunlarına start veriləcək. Azerisport.az xəbər verir ki, ənənəvi olaraq qitənin ən nüfuzlu klub turnirinin görüşləri yenə iki günə bölüşdürülüb.
Azərbaycan çempionu “Neftçi”nin də iştirak etdiyi turnirin bu mərhələsində təmsilçimizin oyunundan əlavə daha 16 qarşılaşma baş tutacaq. Bunlardan 6-sı bu gün baş tutacaq. Qalan 11 görüş isə sabah keçiriləcək.
Qeyd edək ki, turnirin birinci təsnifat mərhələsində cəmi iki qarşıdurma olmuşdu və cırtdan ölkə təmsilçilərinin duellərinin ən güclüləri adına yiyələnən Malta “Valleta”sı ilə Lüksemburqun “Dudelange” klubları çıxışını davam etdirmək hüququ qazanmışdı. Bir sözlə bu iki komanda bu gün növbəti oyunlarına çıxmış olacaqlar. Yerdə qalan bütün iştirakçılar isə ÇL-in yeni mövsümündə debüt matçına çıxmış olacaqlar.
Bunlardan biri də Azərbaycan çempionu “Neftçi” olacaq. Xorvatiya çempionu “Dinamo” (Zaqreb) ilə qarşılaşmalı olacaq “ağ-qaralar” Bakı keçiriləcək cavab oyununa sərfəli nəticə ilə başlamaq üçün səfərdən müsbət nəticə qayıtmağa çalışacaq. Elə ÇL-in ikinci təsnifat mərhələsinin mərkəzi görüşü də məhz bu qarşılaşma hesab olunur. Təkcə Azərbaycanda yox, eləcə də Avropada. Bu prinsipial dueldən kimin qalib ayrılacağı isə məhz iki görüşün nəticəsindən sonra bilinəcək.
Çempionlar Liqası
İkinci təsnifat mərhələsi
İlk oyunlar
12 iyul
20:00. Punik (Ermənistan) - Viktoria (Çexiya)
22:30. Valletta (Malta) – Ekranas (Litva)
23:00. Mogren (Çernoqoriya) - Litex (Bolqarıstan)
23:00. Maribor (Sloveniya) – Dudelange (Lüksemburq)
23:15. Slovan” (Slovakiya) – Tobol (Qazaxıstan)
00:00. Shamrock Rovers (İrlandiya) - Flora (Estoniya)
13 iyul
21:00. Zestafoni (Gürcüstan) - Dacia (Moldova)
22:00. Maccabi (Hayfa, İsrail) - Borac (Bosniya və Herseqovina)
22:00. Malmö (İsveç) – Torshavn (Farer adaları)
22:30. Bangor City (Uels) - HJK (Finlandiya)
23:00. Dinamo (Xorvatiya) - Neftçi (AZƏRBAYCAN)
23:00. Skënderbeu (Albaniya) – APOEL (Kipr)
23:30. Skonto (Latviya) - Wisla (Polşa)
23:30. Sturm Graz (Avstriya) - Videoton (Macarıstan)
23:45. Partizan (Serbiya) – Skendija (Makedoniya)
23:45. Linfield (Şimali İrlandiya) - BATE (Belarus)
23:45. Rosenborg (Norveç) – Breidablik (İslandiya)
