12 iyul 2011 16:11
Dinamo - Neftçi matçı boykot olunur
UEFA Çempionlar Liqasının “Dinamo” (Zaqreb, Xorvatiya) ilə Azərbaycan çempionu “Neftçi” arasındakı ilk oyunu boykot olunacaq. Azerisport.az xəbər verir ki, Zaqrebdəki “Maksimir” stadionunda keçiriləcək görüşü Xorvatiya çempionunun ən radikal fanat qruplaşmalarından sayılan “Bad Blue Boys” qruplaşması izləməyəcək.
Bu barədə məlumatı azerisport.az-a həmin azarkeş qrupunun rəhbəri Tomislav Qluşeviç bildirib: “Biz “Neftçi” ilə ev oyununa getməyəcəyik. Bununla “Dinamo” rəhbərliyinin qeyri-demokratikliyinə etirazımızı bildiririk”.
