12 iyul 2011 21:44
Yurçiç: Neftçi ilə oyunun favoriti bizik
UEFA Çempionlar Liqasının ikinci təsnifat mərhələsində Azərbaycan çempionu “Neftçi”nin rəqibi olan Xorvatiyanın “Dinamo” klubunun baş məşqçisi Krunoslav Yurçiç bu gün Zaqrebdəki “Maksimir” stadionunda mətbuat konfransı keçirib. Azerisport.az xəbər verir ki, təcrübəli mütəxəssis sabah baş tutacaq komandamızla oyun öncəsi bunları dilə gətirib:
“Mən inanıram ki, komandam qələbə qazanacaq. Dolu tribunalar qarşısında rəqibi məğlub etməyə borcluyuq. Bu, bizi ancaq sevindirə bilər. Biz cütün favoritiyik. Evdə, yaxşı atmosfer altında oynamağımız gücümüzü daha da artırır. Azarkeşlər də bizim üçün əlavə bir stimul, motivasiya verir. Ümid edirəm ki, futbolçularımız qarşıya qoyulan vəzifəyə nail ola biləcək”.
“Mən inanıram ki, komandam qələbə qazanacaq. Dolu tribunalar qarşısında rəqibi məğlub etməyə borcluyuq. Bu, bizi ancaq sevindirə bilər. Biz cütün favoritiyik. Evdə, yaxşı atmosfer altında oynamağımız gücümüzü daha da artırır. Azarkeşlər də bizim üçün əlavə bir stimul, motivasiya verir. Ümid edirəm ki, futbolçularımız qarşıya qoyulan vəzifəyə nail ola biləcək”.
Komandamız haqda danışarkən, Yurçiç bunları söyləyib: “Neftçi” öz heyətini qoruyub saxlayıb. Ötən mövsümkü çempion heyəti saxlamaları onlar üçün üstünlükdü. Bu komandanın Azərbaycan çempionatının ikinci dövrəsinə təsadüd edən 2-3 oyununa baxmışam. Onlar güman ki, Zaqrebdə sərfəli nəticə qazanmağa çalışacaqlar. Biz “Neftçi”nin şablon müdafiəsini yarmaq haqda düşünməliyik. Çünki rəqibimiz daha çox müdafiəyə üstünlük verəcək”.
Leandro Kufrenin durumu haqda danışan baş məşqçi onun xidmətindən yararlana bilməyəcəklərini etiraf edib: “Onun durumu heç də yaxşı deyil. Sabah o, komanda yoldaşlarına kömək edə bilməyəcək. Onu Domaqoy Vida əvəzləyəcək. Fikrimcə, Vida Kufreni layiqincə əvəzləyəcək”.
Planlarına da toxunan Yurçiç sonda bunları dilə gətirib: “Bizim gənc, amma güclü komandamız var. Yayda heyəti bir qədər də gücləndirdik. Biz hücum futbolu sərgiləyəcəyik. Biz “Neftçi”ni məğlub edəcək plan qurmuşuq”.
