12 iyul 2011 11:33
İsrail səfirliyindən azərbaycanlılara qarşı süni maneə
Məlum olduğu kimi, iyulun 14-də İsrailin paytaxtı Təl-Əvivdə UEFA Avropa Liqasının ikinci təsnifat mərhələsi çərçivəsində “Maccabi” ilə “Xəzər Lənkəran” arasında oyun keçiriləcək. Azerisport.az xəbər verir ki, bu məqsədlə ölkəmizdən İsrailə getmək istəyən azərbaycanlı nümayəndə heyəti böyük problemlərlə üzləşib.
Belə ki, Azərbaycandan birbaşa sözügedən ölkəyə getmək istəyən jurnalistlər, azarkeşlər və klub rəsmilərinə İsrailin Azərbaycandakı səfirliyindən viza verilməyib. Bunun konkret səbəbləri isə açıqlanmır.
Bu azmış kimi Avstriyadan birbaşa İsrailə yollanan “Xəzər Lənkəran” komandasının üzvləri və təsmiləri də Təl-Əvivin “Ben Qurion” aeroprtunda ciddi problemlərlə üzləşib. Belə ki, təyyarədən düşəndən xeyli sonra da komanda aeroportda süni meneələrlə üzləşərək ləngiməli olub.
Qeyd edək ki, “Maccabi” – “Xəzər Lənkəran” matçı iyulun 14-də “Blimfuld” stadionunda keçiriləcək və Bakı vaxtı ilə saat 22:30-da start götürəcək.
