14 iyul 2011 01:38
ÇL: Əksər cütlərin taleyi elə ilk oyunda müəyyənləşdi (YENİLƏNİB)
UEFA Çempionlar Liqasının ikinci təsnifat mərhələsinin oyunlarına start verilib. Azerisport.az xəbər verir ki, ənənəvi olaraq qitənin ən nüfuzlu klub turnirinin görüşləri yenə iki günə bölüşdürülüb.
Azərbaycan çempionu “Neftçi”nin də iştirak etdiyi turnirin bu mərhələsində təmsilçimizin oyunundan əlavə daha 16 qarşılaşma baş tutacaq. Bunlardan 6-sı artıq ilk oyun günündə baş tutub. Ermənistan çempionu "Punik"in Çexiya "Viktoria"sına biabırçı yenilgisi ilə start götürən ikinci mərhələnin ilk oyun günündə "Mogren" və "Valletta" da evdə məğlubiyyətə üzülüb. "Maribor", "Slovan" və "Shamrock Rovers" isə rəqiblərini məğlub yola salmağı bacarıb.
Qalan 11 görüş isə ikinci oyun günü keçirilib. Bu dəfə də qarşılaşmaların əksəri böyük hesabla başa çatıb. Təəssüf ki, belə məğlubiyyətlərdən biri də Azərbaycan çempionu "Neftçi"nin bəxtinə düşdü. Nəticədə artıq cütlərin əksərində növbəti mərhələyə hansı komandaların adlayacaqları müəyyənləşib.
Qeyd edək ki, turnirin birinci təsnifat mərhələsində cəmi iki qarşıdurma olmuşdu və cırtdan ölkə təmsilçilərinin duellərinin ən güclüləri adına yiyələnən Malta “Valleta”sı ilə Lüksemburqun “Dudelange” klubları çıxışını davam etdirmək hüququ qazanmışdı. Bir sözlə bu iki komanda bu gün növbəti oyunlarına çıxmış oldular. Yerdə qalan bütün iştirakçılar isə ÇL-in yeni mövsümündə debüt matçına çıxırlar.
Çempionlar Liqası
İkinci təsnifat mərhələsi
İlk oyunlar
12 iyul
Punik (Ermənistan) - Viktoria (Çexiya) - 0:4 (0:3)
Qollar: Bakoş, 7; 40-pen, Horvat, 28-pen, Kolar, 72.
Valletta (Malta) – Ekranas (Litva) - 2:3 (1:3)
Qollar: Mifsud, 43, Barbosa, 90+1-pen - Ume, 15, Qleveçkas, 21, Radaviçyus, 42-pen.
Mogren (Çernoqoriya) - Litex (Bolqarıstan) - 1:2 (1:0)
Qol: Zeç, 14 - Todorov, 77; 80.
Maribor (Sloveniya) – Dudelange (Lüksemburq) - 2:0 (2:0)
Qollar: Arqus, 36, İbraimi, 45.
Slovan (Slovakiya) – Tobol (Qazaxıstan) - 2:0 (1:0)
Qol: Şebo, 42, Quede, 80.
Shamrock Rovers (İrlandiya) - Flora (Estoniya) - 1:0 (1:0)
Qol: Turner, 32
13 iyul
Zestafoni (Gürcüstan) - Dacia (Moldova) - 3:0 (3:0)
Qollar: Gelaşvili, 14, Dvali, 23, Dvali, 40.
Maccabi (Hayfa, İsrail) - Borac (Bosniya və Herseqovina) - 5:1 (1:1)
Qollar: Amaşa 45; 71; 74, Yampolski, 72, Qolasa, 80 - Raspudic, 24.
Malmö (İsveç) – Torshavn (Farer adaları) - 2:0 (0:0)
Qollar: Rexhepi, 58, Torleyfson, 76-öz qapısına.
Bangor City (Uels) - HJK (Finlandiya) - 0:3 (0:1)
Qollar: Sadik, 14, 56, Sorsa, 89.
Dinamo (Xorvatiya) - Neftçi (AZƏRBAYCAN) - 3:0 (1:0)
Qollar: Badel, 37, Krstanoviç, 47; 66-pen.
Skënderbeu (Albaniya) – APOEL (Kipr) - 0:2 (0:0)
Qollar: Nuno, 52, Manduça, 56.
Skonto (Latviya) - Wisla (Polşa) - 0:1 (0:1)
Qol: Rode, 40-öz qapısına.
Sturm Graz (Avstriya) - Videoton (Macarıstan) - 1:0 (0:0)
Qol: Şabiç, 69, Kienast, 90.
Partizan (Serbiya) – Skendija (Makedoniya) - 4:0 (0:0)
Qollar: Vukiç, 48, Eduardo, 59; 74, Berişa, 76-öz qapısına.
Linfield (Şimali İrlandiya) - BATE (Belarus) - 1:1 (1:1)
Qollar: Fordyce, 5 - Renan, 38-pen.
Rosenborg (Norveç) – Breidablik (İslandiya) - 5:0 (1:0)
Qollar: Skyelbred, 43, Dorsin, 48, Henriksen, 72, Priça, 76, Olsen, 86.
