12 iyul 2011 12:23
Streymur – Qarabağ matçına bütün təyinatlar açıqlandı
UEFA Avropa Liqasının ikinci təsnifat mərhələsinin ilk oyunları çərçivəsində iyulun 14-də keçiriləcək “Streymur” (Farer adaları) – “Qarabağ” oyununa bütün təyinatlar açıqlanıb. Azerisport.az xəbər verir ki, UEFA hələ bir müddət öncədən sadəcə baş hakim Mark Stiven Uitbinin adını açıqlasa da, artıq onun köməkçilərinin, UEFA nümayəndəsinin və hakim-inspektorun da kimliyini açıqlayıb.
Bu oyun üçün bütün təyinatları diqqətinizə çatdırırıq:
Baş hakim: Mark Stiven Uitbi
Baş hakimin köməkçiləri: Eduard Kinq, Filip Tomas
Dördüncü hakim: Brayan Ceyms (Hakimlər briqadası Uelsdəndi)
Hakim-inspektor: Jari Maysonlahti (Finlandiya).
UEFA nümayəndəsi: Odd Flattum (Norveç).
Qeyd edək ki, “Streymur” (Farer adaları) – “Qarabağ” oyunu iyulun 14-də, Torshavn şəhərindəki “Gundadalur” stadionunda keçiriləcək. Cavab matçı isə iyulun 21-də Bakıda olacaq.
