13 iyul 2011 01:58
Dinamonun Bakıya gələcəyi tarix müəyyənləşdi
UEFA Çempionlar Liqasının ikinci təsnifat mərhələsində Azərbaycan çempionu “Neftçi”yə rəqib olan Xorvatiyanın “Dinamo” (Zaqreb) klubunun Bakıya gələcəyi tarix müəyyənləşib. Azerisport.az xəbər verir ki, komandamızın rəqibi ölkəmizə iyulun 17-də gəlməyi planlaşdırır.
Krunoslav Yurçiçin komandası bazar ertəsi günü Bakıda açıq məşqə çıxacaq ki, həmin hazırlıq prosesi mətbuat nümayəndələri üçün açıq olacaq. Bununla da “Dinamo” “Neftçi” ilə cavab matçının hazırlıqlarını yekunlaşdıracaq.
Qeyd edək ki, ilk oyuna bu gün Zaqrebdə çıxacaq bu iki komanda arasındakı cavab görüşü iyulun 19-da Tofiq Bəhramov adına Respublika stadionunda keçiriləcək.
