13 iyul 2011 17:18
Nəhəng klubların skautları Neftçinin oyunçularını izləyəcək
UEFA Çempionlar Liqasının ikinci təsnifat mərhələsinin ilk oyunu çərçivəsində bu gün Zaqrebdə keçiriləcək “Dinamo” – “Neftçi” matçını dünyanın 40-dan çox aparıcı klublarının skautları izləyəcək. Azerisport.az xəbər verir ki, onların çoxu Avropanın aparıcı futbol ölkələrinin təmsilçiləridi.
Belə ki, həmin klublar arasında İngiltərənin “Arsenal”, “Chelsea”, “Manchester City”, “Manchester United”, Portuqaliyanın “Porto”, “Sporting”, Almaniyanın “Bayern”, “Werder”, İspaniyanın “Sevilla”, “Getafe” ki, Hollandiyanın “Ajax” və daha bir neçə populyar klublarının skautları da olacaq.
Xorvatiya mətbuatının məlumatına görə, onların bu oyunları izləməkdə əsas məqsədləri Zaqreb klubunun heyətindəki futbolçuları iş başında görüb bəyənməkdi. Lakin istisna deyil ki, onlar “Neftçi”nin də hansısa futbolçunu gözaltı etmiş olsunlar. Hər halda bu, daha çox Bakı klubunun üzvlərinin necə çıxış etməsindən birbaşa asılıdı.
