13 iyul 2011 12:42
Flavinyo: Əminəm ki, Zaqrebdə sürpriz edə biləcəyik
Azərbaycan çempionu “Neftçi”nin aparıcı oyunçularından olan Flavinyo azerisport.az saytına müsahibəsində UEFA Çempionlar Liqasındakı şanslarından danışıb.
- Zaqrebə hansı hisslərlə gəlmisiz?
- Kifayət qədər məşq, yoldaşlıq oyunları keçmişik. Bir sözlə onu deyə bilərəm ki, yaxşı hazırlıq keçmək üçün lazımınca vaxtımız olub.
- “Dinamo” ilə oyunlarla bağlı nə düşünürsüz?
- Biz rəqibə hörmət edirik. Səviyyəli komandadı. Amma biz də öz növbəmizdə böyük klub kimi oynamağa çalışacağıq. Odu ki, “Dinamo”nun nə qədər güclü olmasının o qədər də fərqi yoxdu.
- Biz rəqibə hörmət edirik. Səviyyəli komandadı. Amma biz də öz növbəmizdə böyük klub kimi oynamağa çalışacağıq. Odu ki, “Dinamo”nun nə qədər güclü olmasının o qədər də fərqi yoxdu.
- “Dinamo”da əmindilər ki, “Neftçi” keçiləsi rəqibdi...
- Amma hər şeyin necə bitəcəyini proqnozlaşdırmaq çox çətindi. Bunu demək çox asan, həyata keçirmək isə çox çətindi. Mən də əminəm ki, Zaqrebdə sürpriz edə biləcəyik.
- Xorvatlar “Dinamo” üçün əsas təhlükə kimi Flavinyonun adını xüsusi vurğulayırlar...
- Düzü, bunu bilmirəm. Amma hər şey təkcə məndən asılı deyil. Azərbaycan çempionu olan mən yox, “Neftçi”di. “Dinamo”ya qarşı da mən tək oynamayacağam, komanda oynayacaq. Bizdə futbolu 11 nəfərlə oynayırlar.
- Zaqrebdə qol vurmaq barədə düşünmüsüz?
- Bəli, çox. Daim düşünürəm ki, rəqibi məyus edim. Hətta bunu təsəvvür də edirəm. “Neftçi” üçün vurduğum bütün qollar mənim üçün vacibdi.
- Sizi hansı nəticə qane edəcək?
- Biz uduzmamalıyıq. Ya qələbə qazanmalı, ya da heç-heçə etməliyik. Belə olan halda bizim “Dinamo”nu evdə mübarizədən kənarlaşdırmaq baxımından işimiz daha asan olacaq.
- Demək olar ki, “Neftçi” daha çox müdafiə haqda düşünəcək?
- Xeyr. Biz bu oyunda 3 forvardla oynamalı olacağıq. Belə olan halda biz necə müdafiə oluna bilərik. Azərbaycan çempionatında da çox qol vururduq. Bizim komanda hücum futbolu oynayır. Başqa cür oynamağı bacarmırıq.
- Xeyr. Biz bu oyunda 3 forvardla oynamalı olacağıq. Belə olan halda biz necə müdafiə oluna bilərik. Azərbaycan çempionatında da çox qol vururduq. Bizim komanda hücum futbolu oynayır. Başqa cür oynamağı bacarmırıq.
