14 iyul 2011 00:15
Verpakovski: Ən azı təcrübəmlə Bakı`ya faydalı ola bilərəm
"Bakı"nın və Latviya milli komandasının hücumçusu Maris Verpakovski ölkəmiz, milli çempionat, komandasının hazırlıqları və vurduğu ilk qol barədə danışıb. Azerisport.az xəbər verir ki, o, klubun rəsmi saytına açıqlamasında bunları dilə gətirib:
“Latviya milli komandasının bir neçə üzvü Azərbaycanda oynayır. Onlardan ölkəniz və çempionatının səviyyəsi barədə ancaq yaxşı sözlər eşitmişəm. Bir sözlə, məlumatım var idi. Bilirdim ki, hara gedirəm.
Komandamızın heyətində ilk qolumu vurdum. Təəssüf edirəm ki, bu, qələbə üçün kifayət etmədi. Yoldaşlıq oyunlarında məğlub olduq. Ancaq bu, indi bir o qədər önəmli deyil. Yeni mövsümdə qələbələr qazanmağımız vacibdi.
Hələ ki, hazırlıq dövründəyik. Növbəti təlim-məşq toplanışında daha uğurlu olacağımıza inanıram. Tədricən, oyun keyfiyyətini yüksəldirik.
Hesab edirəm ki, ən azı təcrübəmlə “Bakı”ya faydalı ola bilərəm. Komanda 22 nəfərdən və personaldan ibarətdi. Əsas odu ki, komandamız vahid orqanizm kimi fəaliyyət göstərsin, məqsədə doğru irəliləsin. O zaman hər şey yaxşı olacaq”. (klubun saytı)
