15 iyul 2011 14:43
İqor Mitreski erkən əvəzlənməsinin səbəbini açıqladı
Azərbaycan çempionu “Neftçi”nin makedoniyalı müdafiəçisi İqor Mitreski UEFA Çempionlar Liqasının ikinci təsnifat mərhələsinn Xorvatiya “Dinamo”su ilə ilk oyununu şərh edib. Azerisport.az saytına müsahibəsində o, komandasının Zaqrebdə üzləşdiyi darmadağınla (0:3) əlaqədar bunları söyləyib:
“Artıq matçın 8-ci dəqiqəsində məni zədələdilər. Rəqib komandanın forvardı kox kobud şəkildə ayağıma zərbə endirdi. Dizim dərhal şişdi. İndi heç yeriyə də bilmirəm. Sabah həkimdə olacam. Görək o nə deyir. Daha tez meydanı tərk etməliydim. Amma mən komandaya kömək etmək istədim. Heç özüm də bilmirəm 90 dəqiqə meydanda qalsaydım necə olardı. İndi bu haqda danışmaq çox çətindi”.
