15 iyul 2011 17:57
Beşiktaşın həbs olunan vitse-prezidenti istefa verdi
Bir neçə gün öncə danışılmış oyunlarla bağlı aparılan istintaqa cəlb olunan, ifadəsi alındıqdan sonra isə həbs olunan Türkiyənin “Beşiktaş” klubunun vitse-prezidenti və futbol şöbəsinin müdiri Serdar Adalı tutduğu vəzifələrdən istefa verib. Azerisport.az xəbər verir ki o, bu qərarını bu gün vəkili vasitəsilə bəyan edib.
Adalı bununla bağlı ictimaiyyətə açıqlama da verib. O, yazılı müraciətində son vaxtlar danışılmış oyunlarla bağlı haqqında irəli sürülən iddiaların və ölkə mətbuatının yazdığı xəbərlərin bu qərarında əsas rol oynadığını bildirib.
Qeyd edək ki, Sərdar Adalı və digər “Beşiktaş” rəsmiləri ölkə kubokunun son finalında rəqib komanda – “İstanbul Böyükşehir Belediyespor”un oyunçuları İbrahim Akın və İskəndər Alına mösümün sonunda transfer sözü verərək, onları yaxşı oynamamağa vadar etməkdə günahlandırılırlar.
