15 iyul 2011 12:45
Fırtınalar meydanına 4000 min azarkeş toplaşıb
UEFA Avropa Liqasının ikinci təsnifat mərhələsinin ilk oyunu çərçivəsində Təl-Əvivdə keçirilən “Maccabi” – “Xəzər Lənkəran” matçının Lənkəran şəhər stadionunun böyük ekranı vasitəsilə canlı yayımlanacağını xəbər vermişdik. Azerisport.az xəbər verir ki, cənublu fanatlar sözügedən oyunu məhz “Fırtınalar Meydanı”nda tablo vasitəsi ilə izləməklə bir növ komandalarına uzaqdan da olsa, dəstək vermək istəyirdilər.
Matçdan öncə arenaya təxminən 10 min azarkeşin gələcəyi bildirilirdi. Lakin əldə etdiyimiz son məlumatlara görə onların sayı bu qədər olmayıb. Belə ki, arenaya maksimum 4000-ə yaxın fanatın təşrif buyurduğu bildirilir.
Qeyd edək ki, “Xəzər Lənkəran”ın prezidenti Mais Mənsimovun da bu oyunu azarkeşlərlə birgə stadiondan izləyəcəyi bildirilirdi. Lakin deyəsən o da əksər azarkeşlər kimi matçı “Fırtınalar Meydanı”ndan izləməyib. Hər halda bu fakt hələlik təsdiqlənmir.
