17 iyul 2011 00:06
Dinamo Bakıya itki ilə gəlir
Çempionlar Liqasının ikinci təsnifat mərhələsində iyulun 19-da “Neftçi”nin qonağı olacaq Xorvatiya çempionu "Dinamo" Bakıya itki ilə gələcək. Azerisport.az xəbər verir ki, Zaqreb klubunun aparıcı müdafiəçisi Leandro Kufre ikinci qarşılaşmada da meydana çıxmayacaq.
Təcrübəli futbolçunun zədəsi sağalsa da, komandanın baş məşqçisi Krunoslav Yurçiç onu cavab matçında da ehtiyatda saxlayacağını açıqlayıb. Baş məqşçi zədəsi yenicə sağalan müdafiəçinin eyni halla təkrar üzləşməməsi üçün bu addımı atıb.
Qeyd edək ki, Kufre Zaqrebdəki ilk oyunda da zədə səbəbindən komandasına kömək edə bilməmişdi. Onun əvəzində komanda yoldaşı Domaqoy Vida 90 dəqiqə çempionumuza qarşı forma geymişdi.
