17 iyul 2011 00:48
Xəzər Lənkəranın rəqibi Azərbaycana sülhlə gəlir
UEFA Avropa Liqasında Azərbaycan kubokunun qalibi “Xəzər Lənkəran”ın rəqibi olan İsrailin “Maccabi” klubu daha bir sınaq matçı keçirib. Azerisport.az xəbər verir ki, Təl-Əviv təmsilçisi Azərbaycana səfər öncəsi “Ramat Qan”la qarşılaşıb.
Belə ki, rəqib komandanın baş məşqçisi Motti İvanir yetirmələrini “Xəzər Lənkəran”la cavab görüşü öncəsi də sınayıb. Lakin o, bu görüşdə təmsilçimizlə ilk oyunda iştirak etmiş futbolçuların əksərinə oynamaq şansı yaratmayıb və əsasən əvəzedici heyətin üzvlərini yoxlayıb. Qarşılaşma isə 2:2 hesabıyla bitib.
Qeyd edək ki, “Xəzər Lənkəran”la “Maccabi” arasında cavab oyunu iyulun 21-də Lənkəranda keçiriləcək. Təl-Əvivdə baş tutan ilk görüşdə israillilər 3:1 hesablı qələbəyə sevinmişdilər.
