18 iyul 2011 01:34
Yerko Leko: Neftçiyə öz oyununu sərgiləməyə imkan verməməliyik
Xorvatiya çempionu “Dinamo”nun (Zaqreb) yarımmüdafiəçisi Yerko Leko müsahibəsində Çempionlar Liqasının ikinci təsnifat mərhələsi çərçivəsində “Neftçi” ilə cavab oyunundan danışıb, komandamızı dəyərləndirib. Azerisport.az həmin müsahibə ilə sizi də tanış edir:
“Sovet dönəmindı “Neftçi” ən məşhur komandalardan biri idi. Bu komanda öz statusunu SSRİ dağılandan sonra da saxlamağı bacarıb. Odu ki, bu komandanı sıradan rəqib kimi qəbul etmək olmaz” – deyə, Leko Azərbaycan çempionuna qiymət verib.
“Sovet dönəmindı “Neftçi” ən məşhur komandalardan biri idi. Bu komanda öz statusunu SSRİ dağılandan sonra da saxlamağı bacarıb. Odu ki, bu komandanı sıradan rəqib kimi qəbul etmək olmaz” – deyə, Leko Azərbaycan çempionuna qiymət verib.
Xorvatiyalı xavbekin fikrincə, ilk oyundakı darmadağına (3:0) rəğmən, Bakıdakı cavab qarşılaşmasında onlar ehtiyatlı oynamalıdılar: “Ehtiyatlı olmaq lazımdı. İlk oyundakı böyükhesablı qələbə ilə hər şeyin olunduğunu düşünməməliyik. Cütün taleyi məhz burda həll olunacaq. Sakitləşmək olmaz”.
“Məm özüm də gördüm və eşitmişəm ki, “Neftçi” ilk oyundakı nəticədən necə narazı qalıb, məyus idi. Görünür, onlar ilk oyunda belə hesabla məğlub olmaq haqda düşünmürdülər. İndi isə biz səfərdə eyni aqibətlə üzləşməməli, səhvlərə yol verməməliyik. Ən başlıcası, onlara öz oyunlarını sərgiləməyə imkan verməməliyik. Belə olsa, hər şey bizim üçün yaxşı qurtaracaq”- deyə, Leko vurğulayıb.
Yarımmüdafiəçi ilk oyunda aldığı sarı vərəqəyə də toxunub: “Cavab oyununda mən çox səliqəli olmalıyam. Biz axmaq şeylərə görə sarı vərəqə almaqdan qaçmalıyıq. Çünki belə olan halda növbəti mərhələ oyunlarını buraxmaq təhlükəsi ilə üz-üzə qalmış olacağıq”.
