18 iyul 2011 02:27
XL Lənkərana döndü və ilk məşqə çıxdı
Avropa Liqasının ikinci təsnifat mərhələsində Təl-Əviv "Maccabi"sinin qonağı olan "Xəzər Lənkəran" ötən gün Lənkərana qayıdıb. Azerisport.az xəbər verir ki, komandanı şəhərinin girəcəyində çoxlu sayda azarkeş qarşılayıb.
Fanatlar yolboyu komandanı avtomobillərlə müşayət ediblər. "Fırtınalar meydanı"nda isə avtobusdan enən futbolçular, həmçinin baş məşqçi Mirça Rednik alqışlarla qarşılanıb.
Saat 19.30-da isə komanda "Fırtınalar meydanı"nın yardımçı meydançasında axşam məşqinə çıxıb. Hazırlıq prossesi fiziki hazırlıq üzrə məşqçi Ciovanni Melkiorrenin rəhbərliyi ilə futbolçuların fiziki hərəkətləri yerinə yetirməsi ilə başlayıb. Daha sonra baş məşqçi Mirça Rednikin taktiki çalkışmaları ilə məşq davam edib. Məşqi çox sayda azarkeş izləyib.
