19 iyul 2011 14:46
Vaqif Cavadovun Volqadakı işi çətinləşir
Azərbaycan millisinin hücumçusu Vaqif Cavadovun şərəfini qoruduğu Rusiyanın “Volqa” klubu baxışa yeni futbolçu çağırıb. Azerisport.az xəbər verir ki, bu, moldovalı Mixail Paseçnyukdu.
20 yaşı olan Paseçnyuk məhz Vaqifin mövqeyində - sol cinah yarımmüdafiəçisi kimi çıxış edir. 2010/2011 mövsümün Moldova “Olimpiya”sında keçirmiş Paseçnyuk ötən mövsümün əsas tapıntılarından hesab olunur.
O, həm də ötən mövsüm Moldovanın ən yaxşı gənc futbolçusu seçilib. Ölkəsinin gənclərdən ibarət yığmasının əsas üzvlərindən olan Paseçnyuk əsas yığmaya da dəvət almağa başlayıb.
Qeyd edək ki, hələlik bu oyunçunun “Volqa”da qalıb-qalmayacağına bundan sonra qərar veriləcək. Amma moldovalı oyunçu baxışdan uğurla keçəcəyi halda Cavadov əsas heyətə düşmək baxımından onunla da rəqabət aparmalı olacaq.
