20 iyul 2011 13:38
“Dinamonun bizdən nə qədər güclü olduğu təsdiqini tapdı”
Azərbaycan çempionu “Neftçi”nin yarımmüdafiəçisi Rəşad Abdullayev azerisport.az saytına müsahibəsində UEFA Çempionlar Liqasının ikinci təsnifat mərhələsində Xorvatiyanın “Dinamo” (Zaqreb) klubu ilə duellərdəki uğursuzluqdan danışıb.
- İlk oyunda olduğu kimi, cavab görüşü də çətin keçdi. Revanş götürmək üçün alışıb-yanırdıq. Xüsusilə də doğma azarkeşlərimizin gözü önündə bunu etmək çox xoş idi. Amma Xorvatiya çempionunun nə qədər güclü olduğu bir daha öz təsdiqini tapdı. Biz sadəcə bu rəqiblə bacarmadıq.
- Oyunun gedişindən elə görünürdü ki, heç-heçə də sizi qane edir...
- Oyunun gedişindən elə görünürdü ki, heç-heçə də sizi qane edir...
- Bu, səhv fikirdi. Biz meydana ancaq qələbə qazanmaq, növbəti mərhələyə adlamaq üçün çıxmışdıq. Amma elə alındı ki, ümumiyyətlə qol vura bilmədik. Halbuki, ilk dəqiqələrdən fərqlənmək istəyirdik. Çünki bu, məqsədimizə çatmaq yolunda əsas vəzifələrdən idi. Belə olacağı halda növbəti qolları da vura bilərdik. Amma göründüyü kimi bu oyunda bizdə heç nə alınmadı.
- Prinsipcə, “Neftçi” ilk 20 dəqiqəni pis təsir bağışlamadı və rəqiblə başa-baş mübarizə apardı.
- Real götürsək, “Dinamo” bizdən güclüdü. Bu oyunda da onlar sadəcə öz səviyyələrini nümayiş etdirdilər.
- Sizcə, bu oyunla heç-heçəni də normal nəticə saymaq olar?
- Sizə açığını deyim ki, heç-heçə bizim planlarımıza daxil deyildi. Bizim yaxşı vəziyyətlərimiz oldu. Əgər onlardan yararlansaydıq, kim bilir hər şey necə qurtaracaqdı.
- Sizə açığını deyim ki, heç-heçə bizim planlarımıza daxil deyildi. Bizim yaxşı vəziyyətlərimiz oldu. Əgər onlardan yararlansaydıq, kim bilir hər şey necə qurtaracaqdı.
- Arif Əsədov ilk hissədən sonra sizi niyə əvəzlədi?
- Onun mənim oyunumdan hansısa narazılığı yox idi. Bu, sadəcə taktiki gediş idi.
- Onun mənim oyunumdan hansısa narazılığı yox idi. Bu, sadəcə taktiki gediş idi.
- Demək olar ki, ikinci hissə boyu azarkeşlər sizi istefaya səslədilər...
- Bu, normaldı. Komanda uğursuz çıxış edəndə adətən belə olur. Gələcəkdə vəziyyəti dəyişməyə çalışacağıq.
