20 iyul 2011 15:08
Qay Haimov: XL-la oyuna elə çıxmalıyıq ki...
İsrailin “Maccabi” (Təl-Əviv) klubunun qapıçısı Qay Haimov Avropa Liqasının ikinci təsnifat mərhələsinin “Xəzər Lənkəran”la oyunlarını dəyərləndirib. Azerisport.az xəbər verir ki, o, açıqlamasında bunları dilə gətirib:
“İlk oyunda bizim müdafiəmizdə bir sıra səhvlər oldu. Buna görə də Nivaldo və Savo Paviçeviçə demişəm ki, onlar həm öz ararlarında, həm də mənlə anlaşma səviyyəsinin artmasına fikir versinlər. Bu, mənim üçün yeni müdafiədi. Amma inanıram ki, zamanla hər şey yoluna düşəcək” – deyə, Təl-Əviv klubunun qolkiperi bildirib.
“İlk oyunda bizim müdafiəmizdə bir sıra səhvlər oldu. Buna görə də Nivaldo və Savo Paviçeviçə demişəm ki, onlar həm öz ararlarında, həm də mənlə anlaşma səviyyəsinin artmasına fikir versinlər. Bu, mənim üçün yeni müdafiədi. Amma inanıram ki, zamanla hər şey yoluna düşəcək” – deyə, Təl-Əviv klubunun qolkiperi bildirib.
Haimovun komandası ilk oyunda qələbə qazansa da (3:1), o, komandasının heç də yaxşı oynamadığını düşünür: “Bəzi anlarda mən görürdüm ki, çox asanlıqla topu rəqibə hədiyyə edirik. İkinci qolu buraxmamağı çox istəyirdim. Çətinliklə də olsa, buna nail olduq. Amma nə yaxşı ki, daha vacib olan lazımı nəticəni qazana bildik. İndi biz ancaq qarşıya baxmalıyıq”.
“Maccabi”nin qapıçısı cavab oyunundan da danışıv: “İlk oyunda uğurlu nəticə qazandığımızdan bunu növbəti mərhələyə adlamaq üçün yetərli sayıram. Amma buna baxmayaraq, “Xəzər Lənkəran”la cavab görüşünə elə çıxmalıyıq ki, sanki ilk matç qolsuz başa çatıb. İstənilən halda növbəti mərhələyə adlamaq üçün əlimizdən gələni edəcəyik”.
O, Təl-Əviv klubundakı debüt matçını da özü üçün uğurlu sayır: “Bu, mənim özüm üçün də böyük bir təcrübə idi. Belə atmosferdə oynamaq çox xoş oldu. Qələbə sevinci ilə yanaşı mən bu komandada oynamağın məsuliyyətini də anladım. Gələcəkdə də “Maccabi”nin bir nömrəsi olmaq üçün əlimdən gələni edəcəm”.
