20 iyul 2011 11:24
Uruqvay ilk finalçı oldu
Argentinada təşkil olunan Amerika kuboku davam edir. Azerisport.az xəbər verir ki, ötən gecə ilk yarımfinal oyunu keçirilib.
Bu oyunda Peru və Uruqvay yığmaları üz-üzə gəliblər. Qarşılaşmanın ilk yarısı 0:0 başa çatıb. İkinci hissəyə daha yaxşı başlayan Uruqvay “Liverpool”da oynayan ulduz futbolçusu Luis Suaresin 53 və 58-ci dəqiqələrdəki qollarla 2:0 önə keçib. 68-ci dəqiqədə Perunun heyətində Vargasın meydandan qovulması Uruqvayın qələbəsinə şübhə yeri qoymayıb. Beləcə, Uruqvay ilk finalçı olub.
Qeyd edək ki, Uruqvayın iyulun 24-də oynanılacaq finaldakı rəqibi bu gecə müəyyənləşəcək. Digər yarımfinal cütündə Paraqvayla Venesuela qarşılaşacaq.
Amerika Kuboku
Yarımfinal
19 iyul
Peru – Uruqvay – 0:2
Qollar: Luis Suares, 53; 58.
