20 iyul 2011 00:03
Arif Əsədov: Real da 0:5 hesabı ilə uduzur
Azərbaycan çempionu “Neftçi”nin baş məşqçisi Arif Əsədov UEFA Çempionlar Liqasının “Dinamo” (Zaqreb, Xorvatiya) ilə Bakıdakı oyundan sonra bir sıra maraqlı açıqlamalar verib. Azerisport.az xəbər verir ki, “ağ-qaralar”ın çalışdırıcısı öncə onu istefaya səsləyənlərə cavab verib:
“Oyuna gələn azarkeşlərə təşəkkürümü bildirmək istəyirəm. Onların məni istefaya səsləmələrinə gəlincə, mən postumdan getməyə hazıram. Amma yadınıza salın ki, Hans-Yurgen Gede komandanı nə günə qoymuşdu. Mən hesab etmirəm ki, iki oyunun nəticəsinə görə 0:3 hesabıyla uduzmaq normal nəticədi. Amma“Real” da0:5hesabıyla uduzur”.
“Oyuna gələn azarkeşlərə təşəkkürümü bildirmək istəyirəm. Onların məni istefaya səsləmələrinə gəlincə, mən postumdan getməyə hazıram. Amma yadınıza salın ki, Hans-Yurgen Gede komandanı nə günə qoymuşdu. Mən hesab etmirəm ki, iki oyunun nəticəsinə görə 0:3 hesabıyla uduzmaq normal nəticədi. Amma“Real” da0:5hesabıyla uduzur”.
Əsədov bu uğursuzluğa görə ruhdan düşmək lazım olmadığını bildirir: “Bu oyunları unutmaq lazımdı. Qarşıya baxmalıyıq. Mən hələ oyundan öncə də futbolçulara demişdim ki, biz bura pul qazanmaq üçün gəlməmişik. Biz çalışırıq ki, “Neftçi” daha da güclü olsun. Bir günə komanda yaranmır. Bizə çox güclü rəqib düşmüşdü. Amma buna rəğmən, biz normal mübarizə apardıq”.
Arif Əsədov komandasının “Xəzər Lənkəran”la müqayisə olunmasına qarşı çıxıb: “Neftçi” “Xəzər Lənkəran” kimi 15 futbolçunu alıb-sata bilməz. Azərbaycan futbolunun inkişafına mən cavabdeh deyiləm. Biz bir il ərzində belə komanda yaratmışıq. Demirəm ki, o, idealdı. Amma normaldı. Heç də pis olmayan legionerlərimiz var. Qarşıya baxmaq lazımdı. Biz yeni transferlər barədə düşünürük. Klub rəhbərliyi ilə məsləhətləşəcəyik. Mpenza çalışırdı, deməzdim ki, o, zəif oyun sərgilədi”.
