21 iyul 2011 14:00
Maccabiyə Lənkəranda qadağa qoyuldu
İsrailin “Maccabi” klubuna Lənkəranda qadağa qoyulub. Azerisport.az xəbər verir ki, Təl-Əviv təmsilçisinin rəhbərliyi və məşqçi korpusu futbolçulara məskunlaşdıqları “Qala” otelini tərk etməyə icazə vermir.
Qeyd edək ki, hazırda Avropa Liqasının ikinci təsnifat mərhələsinin “Xəzər Lənkəran” – “Maccabi” matçı ilə əlaqədar Lənkəranda güclü təhlükəsizlik tədbirləri görülməkdədi. İsrail təmsilçisinin məskunlaşdığı otel də həm bu klubun öz təhlükəsizlik işçiləri, həm də Azərbaycanın hüquq-mühafizə orqanları tərəfindən qorunmaqdadı.
“Xəzər Lənkəran” – “Maccabi” görüşü bu gecə Lənkəran şəhər stadionunda keçiriləcək və saat 20:30-da start götürəcək.
