21 iyul 2011 14:33
Neftçidə Rodriqinyo şoku
"Neftçi"nİn yarımmüdafiəçisi Rodriqinyo zədələnib. Azerisport.az xəbər verir ki, braziliyalı futbolçu iyulun 19-da keçirilən UEFA Çempionlar Liqasının ikinci təsnifat mərhələsinin Zaqreb "Dinamo"su ilə cavab oyununun artıq 6-cı dəqiqəsində meydançanı tərk etmək məcburiyyətində qalmışdı.
"Dinamo"nun futbolçuları Xorvatiyadakı ilk görüşdə olduğu kimi, bu dəfə də olduqca kobud oyunları ilə diqqət çəkirdilər. Buna görə də səfərdəki matçda zədələnən İqor Mitreskiyə Bakıdakı oyunda Rodriqinyo da qoşulub.
Həkimlərin müayinəsindən sonra yarımmüdafiəçinin zədəsinin ciddi olduğu və əməliyyata ehtiyac duyulduğu müəyyənləşib. Buna görə də Rodriqinyo əməliyyat olunmaq üçün iyulun 22-də Braziliyaya yollanacaq. Onun 6 ay yaşıl meydançalardan uzaq qalacağı bildirilir.
