21 iyul 2011 23:40
Qurban Qurbanov: Brugge Rosenborg və Wisladan güclü komandadı
“Qarabağ”ın baş məşqçisi Qurban Qurbanov Avropa Liqasının ikinci təsnifat mərhələsinin “Streymur” (Farer adaları) ilə cavab oyununu şərh edib. Azerisport.az xəbər verir ki, o, qolsuz heç-heçə ilə başa çatan görüşdən sonra bunları dilə gətirib:
“Alqışlarınıza görə çox sağ olun. Bilirəm ki, hamınız gözəl oyun izləmək istəyirdiniz. Amma bizim qarşımızda duran əsas məqsəd “Streymur”u keçmək idi. Mən hələ öncədən də demişdim ki, Bakıda bizə səfərdəkindən də çətin olacaq. Elə də alındı. Bu, çox möhkəm komandadı. Rəqibin əsəbləri ilə oynamağı bacarır. Oyunçularımız sağ olsunlar ki, dözdülər. Onlar bu günkü oyundan sonra əldən düşmüşdülər”.
“Alqışlarınıza görə çox sağ olun. Bilirəm ki, hamınız gözəl oyun izləmək istəyirdiniz. Amma bizim qarşımızda duran əsas məqsəd “Streymur”u keçmək idi. Mən hələ öncədən də demişdim ki, Bakıda bizə səfərdəkindən də çətin olacaq. Elə də alındı. Bu, çox möhkəm komandadı. Rəqibin əsəbləri ilə oynamağı bacarır. Oyunçularımız sağ olsunlar ki, dözdülər. Onlar bu günkü oyundan sonra əldən düşmüşdülər”.
Ağdam klubunun çalışdırıcısı növbəti mərhələdəki rəqibləri – Belçikanın “Brugge” klubu haqda da fikirlərini söyləyib: “Brugge” ilə oyunlar daha maraqlı olacaq. Biz onlarla sona kimi döyüşməli olacağıq. Bizim standart vəziyyətlərlə bağlı bir sıra problemlərimiz var. Fikrimcə, belçikalılarla oyunlarda daha çox qol vəziyyəti yarada biləcəyik. Hər halda onlar “Streymur” kimi qapanmayacaqlar. Hesab edirəm ki, “Brugge” “Rosenborg”la “Wisla”dan daha güclü komandadı. Onlar tam başqa futbol oynayırlar”.
