22 iyul 2011 02:03
Brugge rəsmiləri Qarabağın oyununu canlı izləyiblər
Belçikanın “Brugge” klubunun nümayəndələri Bakıya gəliblər. Azerisport.az xəbər verir ki, onların bu səfərdə məqsədləri Avropa Liqasının ikinci təsnifat mərhələsinin “Qarabağ” – “Streymur” matçını izləmək olub.
Qeyd edək ki, Azərbaycan və Farer adaları təmsilçilərinin duelindən qalib çıxan tərəf növbəti mərhələdə məhz Belçika klubu ilə qarşılaşmalıydı. “Brugge”nin nümayəndələri də onların rəqibi olacaq komandanı iş başında görməyə üstünlük veriblər. Onlar sözügedən qarşılaşmanı Tofiq Bəhramov adına Respublika stadionundan canlı izləyiblər.
Qeyd edək ki, qarşılaşma qolsuz bitdiyindən ilk oyunda səfər qoluna imza atan “Qarabağ” növbəti mərhələyə adlayıb və “Brugge” ilə qarşılaşmaq hüququ qazanıb.
