22 iyul 2011 17:26
Mübariz Mənsimov XL rəsmilərini İstanbula çağırdı
“Xəzər Lənkəran”ın fəxri prezidenti Mübariz Mənsimov komandasının UEFA Avropa Liqasının son mövsümündəki çıxışından narazı qalıb. Azerisport.az xəbər verir ki, o, məhz bu uğursuzluğun ardından klubun vitse-prezidenti Tuyqun Nadirovla komandanın rəisi Səməd Mustafayevi İstanbula çağırıb.
Klub rəsmiləri fəxri prezidentlə görüşdə komandanın Avroliqadakı uğursuz çıxışı ilə əlaqədar hesabat verəcəklər. Elə komandanın gələcək taleyi ilə bağlı əsas qərarların da həmin müzakirələr zamanı verilməsi gözlənilir.
Qeyd edək ki, “Xəzər Lənkəran” tarixində beşinci dəfə qatıldığı avrokuboklarda yenə nə qələbə qazana, nə də mərhələ adlaya bildi.
