22 iyul 2011 11:38
Rəşad Sadıqov: Avrokuboklarda belə oynamaq bizim üçün yeni idi
“Qarabağ”ın müdafiəçisi Rəşad Sadıqov Avropa Liqasının ikinci təsnifat mərhələsinin “Streymur”la cavab oyunundan (0:0) sonra azerisport.az saytının suallarını cavablandırıb.
- Farerlilərlə oyunlar barədə nə deyərdiz?
- Qolsuz heç-heçə ilə olsa da belə, yaxşı ki, növbəti mərhələyə adlaya bildik. Düzünü deyim ki, oyundan öncə ehtiyat edirdik. Biz son iki mövsümdə uğurlu çıxış etmişdik. Mən özüm təcrübəli futbolçu olsam da, düşünürdüm ki, birdən “Banga” və ya “Streymur”la oyunlarda nəsə xoşagəlməz nəticə ilə üzləşərik.
- “Streymur” sizə ciddi müqavimət göstərdi...
- Hamı həm Litva təmsilçisinin, həm də bu komandanı bizdən zəif hesab edirdi. Amma mən özümü belə fikirlərdən uzaq tutmağa çalışırdım. Hər şey ola bilərdi. Xoşbəxtlikdən növbəti mərhələyə keçən tərəf biz olduq. Özü də yaxşı ki, buna heç də ən yaxşı oyunumuzu sərgiləməməklə nail olduq. Bu, növbəti mərhələdə işimizə yaraya bilər.
- Komandaya cavab matçında qol vurmağa nə mane oldu?
- Biz qol vəziyyətləri yaradırdıq. Sadəcə topu tora qovuşdurmaq mümkün olmurdu. Arxayınlıq yox idi. Bu gün hava da çox isti idi. Üstəlik yorğunluq var idi. Bütün bunlar sözünü deyirdi.
- Biz qol vəziyyətləri yaradırdıq. Sadəcə topu tora qovuşdurmaq mümkün olmurdu. Arxayınlıq yox idi. Bu gün hava da çox isti idi. Üstəlik yorğunluq var idi. Bütün bunlar sözünü deyirdi.
- Belə müdafiə olunan komandalara qarşı oynamaq çox çətindi?
- Bəli. Belə komandaların öz stili olur: özləri oynamadığı kimi, rəqibə də oynamaq imkanı vermirlər. Çox çalışırdıq ki, standart vəziyyətlər zamanı qol buraxmayaq.
- Bəli. Belə komandaların öz stili olur: özləri oynamadığı kimi, rəqibə də oynamaq imkanı vermirlər. Çox çalışırdıq ki, standart vəziyyətlər zamanı qol buraxmayaq.
- Maraqlıdı, “Qarabağ” özündən zəif komandalara qarşı yaxşı oyun sərgiləyə bilmir...
- Siz özünüz də yəqin hiss etmisiz ki, biz avrokuboklarda daha çox müdafiədən oynayırıq. Çalışırıq ki, daha çox cinah oyunçularımızın sürətindən istifadə edək. Amma bu mövsüm bizə elə rəqiblər düşdü ki, bir qədər zəif idilər. Onlar da müdafiə futbolu oynadığından, biz hücum etməli olurduq. Avrokuboklarda belə oynamaq bizim üçün yeni idi.
- İndi növbəti mərhələdə sizi Belçika “Brugge”si gözləyir?
- Artıq bütün diqqətlərimiz “Brugge”yə yönəlib. Açığını deyim ki, hələlik bu komanda haqqında ətraflı məlumatımız yoxdu. Hələ onların oyunlarının videoyazısına baxmamışıq. Sadəcə onu bilirik ki, onlar Belçika çempionatını dördüncü yerdə bitiriblər. Onu da bilirik ki, heyətlərində çoxlu sürətli futbolçular var, top saxlamağı, əks-hücumları bacaran komandadı.
