23 iyul 2011 15:18
Kamran Ağayevə müştəri tapıldı
Azərbaycan yığmasının qapıçısı Kamran Ağayev karyerasını “Qəbələ”də davam etdirə bilər. Azerisport.az xəbər verir ki, Avropa Liqasındakı uğursuz çıxışdan sonra “Xəzər Lənkəran” rəhbərliyi tərəfindən transferə çıxarılan futbolçu məhz sözügedən bölgə təmsilçisindən çox ciddi təklif alıb.
Məlum olduğu kimi, Toni Adamsın komandası növbəti mövsümdə qarşısıa ciddi məqsədlər qoyduğundan əla heyət formalaşdırmaqdadı. Lənkəran klubunun Ağayevi transferə çıxarması ilə “Qəbələ” bu qapıçını da sıralarına qatmaq üçün fəaliyyətə başlayıb. Onlar hətta qarşı tərəfin tələb etdiyi istənilən məbləği də ödəməyə hazırdılar. Lakin bu yöndə aparılan danışıqların nə dərəcədə uğurlu alınacağını zaman göstərəcək.
Qeyd edək ki, 25 yaşlı qapıçı yerli klublara keçməkdə maraqlı deyil. O, hələ xeyli müddət öncə “Xəzər Lənkəran”dan başqa heç bir yerli klubda çıxış etməyəcəyinə dair açıqlamalar vermişdi. Amma Ağayevin İngiltərə klublarına keçməsi daha inandırıcı görünür. Hər halda ingilislər əvvəlki kimi onun xidmətində maraqlı olsalar. Əks halda millimizin əsas qapıçısının aqibətinin necə olacağı maraq doğurur.
