24 iyul 2011 19:52
Qəbələ ingilislərə qalib gəldi (YENİLƏNİB)
Hazırlıqlarını İngiltərədə davam etdirən “Qəbələ” bu gün London təlim-məşq toplanışı çərçivəsində növbəti sınaq matçına çıxıb. Azerisport.az xəbər verir ki, Toni Adams yetirmələrini daha bir İngiltərə klubu ilə qarşılaşmada sınaqdan keçirib.
Qeyd edək ki, ölkəsinin aşağı divizion təmsilçilərindən olan komanda ilə görüş Adamsın “Qəbələ”si üçün sayca üçüncü yoxlama matçıydı. Bundan öncə “Barnet”ə məğlub olan (0:1) bölgə klubu dünən də “Bishop`s Stortford” ilə qolsuz heç-heçəyə razılaşmışdı.
Lakin bu dəfə Adamsın yetirmələri nəhayət ki, onu qələbə ilə sevindirə bilib. Düzdü, 14-cü dəqiqədə komandamız qapısından ilk qolu buraxıb. Lakin 21 və 26-cı dəqiqələrdə vurulan iki qolla "Qəbələ" hesabda önə keçib. İlk yarının son saniylərində ingilislər yenidən hesabda tarazlıq yaradıblar. Buna baxmayaraq, 59-cu dəqiqədə daha bir qol vuran "Qəbələ" İngiltərədə ilk qələbəsini rəsmiləşdirib - 3:2.
Yoldaşlıq oyunu
24 iyul
Qəbələ - St Albans City - 3:2 (2:2)
