24 iyul 2011 02:33
Amerika kubokunun üçüncüsü Peru oldu
Argentinada təşkil olunan Amerika kubokunda üçüncü yer uğrunda oyun keçirilib. Azerisport.az xəbər verir ki, turnirin bürünc medalları uğrunda mübarizədə Peru və Venesuela üz-üzə gəlib.
“Estadio Ciudad de La Plata”da oynanılan qarşılaşmada Peru inamlı qələbəyə sevinib. Venesuelanı 4:1 hesabıyla məğlub edən bu komanda turniri 3-cü yerdə başa vurub.
Venesuela yığmasında Rinkon matçın 59-cu dəqiqəsində qırmızı vərəqə alaraq komandasını azlıqda qoyub.
Qeyd edək ki, turnirin həlledici oyunu bu gecə Uruqvayla Paraqvay arasında keçiriləcək.
Amerika kuboku
3-cü yer uğrunda oyun
23 iyul
Peru – Venesuela – 4:1
Qollar: Çiroke, 42, Qerrero, 64; 90; 90+3 - Aranqo, 78.
Peru: Fernandes, Rodriqes, Balbin, Korso, Ramos, Krusado (Advinçula, 78), Revoredo, Lobaton (Quevara, 61), Yotun, Qerrero, Çiroke.
Venesuela: Veqa, Rey, Vizkarrondo, Rosales, Kikero, Qonsales (Aranqo, 68), Rinkon, Seyjas (Luçena, 46), Maldonado, Orozko, Fedor (Rondon, 62).
