24 iyul 2011 11:38
Volqanın rəsmisi millimizin üzvünü təriflədi
Dünən “Volqa”nın gənclərdən ibarət komandası Rusiya çempionatının növbəti turu çərçivəsində doğma meydanda “Spartak”la qarşılaşıb. Azerisport.az xəbər verir ki, bu oyunda Nijni Novqorod klubundan Azərbaycanın U-19 yığmasına da çağırılan Şamil Qurbanov da iştirak edib.
Onun 90 dəqiqə forma geydiyi qarşılaşma 1:1 hesablı heç-heçə ilə bitib. Matçdan sonra isə “Volqa”nın idman direktoru klubun rəsmi saytına açıqlamasında bəzi gənc futbolçuların hətta əsas komandaya layiq olduğunu vurğulayıb. Onların arasında Qurbanov da var:
“Şübhəsiz, Azərbaycanın aşağı yaş qruplarından ibarət komandasından qayıtmış Şamil Qurbanov komandaya çox kömək etdi. Paştovun inkişafı göz önündədi. Ruslan əsl kapitandı. Onlar əvəzedicilərin liderləridilər. Düşünürəm ki, onlarla yanaşı yaxın vaxtlarda daha bir neçə futbolçu əsas komandaya keçə biləcək”.
“Şübhəsiz, Azərbaycanın aşağı yaş qruplarından ibarət komandasından qayıtmış Şamil Qurbanov komandaya çox kömək etdi. Paştovun inkişafı göz önündədi. Ruslan əsl kapitandı. Onlar əvəzedicilərin liderləridilər. Düşünürəm ki, onlarla yanaşı yaxın vaxtlarda daha bir neçə futbolçu əsas komandaya keçə biləcək”.
