28 iyul 2011 01:43
Neftçinin qənimi evə qalib, Trabzonspor məğlub qayıtdı (YENİLƏNİB)
UEFA Çempionlar Liqasının üçüncü təsnifat mərhələsinin oyunlarına start verilib. Azerisport.az xəbər verir ki, qitənin ən nüfuzlu klub turnirinin pley-off mərhələsinə vəsiqə uğrunda düz 30 klub mübarizə aparır.
Xatırladaq ki, turnirin birinci təsnifat mərhələsində cəmi iki qarşıdurma olmuşdu və cırtdan ölkə təmsilçilərinin duellərinin ən güclüləri adına yiyələnən Malta “Valleta”sı ilə Lüksemburqun “Dudelange” klubları çıxışını davam etdirmək hüququ qazanmışdı. Növbəti mərhələdə isə daha 34 komanda mübarizəyə qoşuldu. Təəssüf ki, onlardan arasında Azərbaycan çempionu “Neftçi”nin də yer aldığı 17 klub mübarizəni dayandırdı. Qalan eyni sayda komanda isə yoluna davam edir. Bu dəfə isə 15 kollektiv pley-offa yüksəlməyə nail olacağı halda, qalanları çıxışını dayandıracaq.
Artıq üçüncü mərhələnin ilk oyunları çərçivəsində birinci oyun gününə təsadüf edən 8 görüşün nəticəsi məlumdu. Görüşlərdən ikisində qol vurulmayıb. "Rubin" isə səfərdə Kiyev "Dinamo"suna 2 cavabsız qolla qalib gəlməklə demək olar ki, cütün taleyini həll edib. Elə "Malmö" ilə "Wisla"nın da növbəti mərhələyə yüksəlmək yolunda böyük addım atdığını demək olar. "Genk" və "Twente" isə rəqiblərini məğlub yola salmağı bacarsa da, hər şeyə cavab görüşündə aydınlıq gələcək. Qonşu Gürcüstan "Zestafoni"sinin doğma meydanda "Sturm Graz"a qalib gələ bilmədiyini də xüsus qeyd edək.
Qalan görüşlər isə bu gün keçirilib. "Neftçi"nin qənimi "Dinamo" səfərdə HJK üzərində əzmkar qələbə qazanıb. Futbolsevərlərimizin yaxından maraqlandığı Türkiyə təmsilçisi "Trabzonspor" isə Portuqaliyadan məğlub qayıdıb. Bütövlükdə, baş tutan görüşlərin nəticələri ilə aşağıda tanış ola bilərsiz.
Çempionlar Liqası
Üçüncü təsnifat mərhələsi
İlk oyunlar
26 iyul
Zestafoni (Gürcüstan) - Sturm Graz (Avstriya) - 1:1 (0:0)
Qollar: Gelaşvili, 74 - Volf, 78.
APOEL (Kipr) - Slovan (Slovakiya) - 0:0 (2-ci hissə)
Litex (Bolqarıstan) - Wisla (Polşa) - 1:2 (1:1)
Qollar: Vellinqton, 45+1 - Lamey, 19, Melikson, 77.
Dinamo (Kiyev, Ukrayna) - Rubin (Rusiya) - 0:2 (0:1)
Qollar: Kasaev, 5, Natço, 68-pen.
Genk (Belçika) - Partizan (Serbiya) - 2:1 (0:0)
Qollar: Vossen, 70-pen, Oqunjimi, 90+1 - Tomiç, 65.
Rangers (Şotlandiya) – Malmö (İsveç) - 0:1 (0:1)
Qol: Larsson, 18.
Twente (Hollandiya) - Vaslui (Rumıniya) - 2:0 (1:0)
Qollar: Yanko, 33; 57.
27 iyul
HJK (Finlandiya) – Dinamo (Xorvatiya) - 1:2 (1:1)
Qollar: Rinq, 14 - Rafinya, 19-öz qapısına, Sammir, 77.
Copenhagen - Shamrock Rovers (İrlandiya) - 1:0 (1:0)
Qol: Ottesen, 4.
Odense (Danimarka) - Panathinaikos (Yunanıstan) - 0:1 (0:0)
Qol: Leto, 47.
Maccabi (Hayfa, İsrail) - Maribor (Sloveniya) - 2:1 (1:1)
Qollar: Dvalişvili, 8-pen, Yampolski, 70 - Markos, 27.
Standard (Belçika) - Zürich (İsveçrə) - 1:1 (0:0)
Qollar: Qonsales, 90 - Mehmedi, 79.
Benfica (Portuqaliya) - Trabzonspor (Türkiyə) - 2:0 (0:0)
Qollar: Nolito, 71, Qaytan, 88.
Rosenborg (Norveç) - Viktoria (Çexiya) - 0:1 (0:1)
Qol: Pilar, 33.
