25 iyul 2011 02:34
Amerika kubokunda yeni qalib, yeni rekord
Argentinada təşkil olunan Amerika kubokuna yekun vurulub. Azerisport.az xəbər verir ki, turnirin qızıl medalları uğrunda həlledici mübarizədə Paraqvay və Uruqvay yığmaları üz-üzə gəlib.
Buenos Ayresdəki "Estadio Monumental Antonio Vespucio Liberti" stadionunda keçirilən final matçının ilk dəqiqələrindən üstünlüyü ələ alan Uruqvay böyükhesablı qələbə qazanıb - 3:0. Hesabı 12-ci dəqiqədə "Liverpool"un forvardı Luis Suares açıb. 42-ci dəqiqədə Dieqo Forlan fərqi iki topa çatdırıb. "Atletico"nun forvardı 90+2-ci dəqiqədə dublunu rəsmiləşdirməklə finalın yekun nəticəsini müəyyənləşdirib.
Bununla da Uruqvay tarixində 15-ci dəfə Amerika Kubokunun qalibi adını qazınb. Bundan əvvəl 1916, 1917, 1920, 1923, 1924, 1926, 1935, 1942, 1956, 1959, 1967, 1983, 1987 və 1995-ci illərdə turnirin qalibi olan Uruqvay həm də yeni rekord müəyyənləşdirib. Uruqvaydan sonra kuboku ən çox qazanan komanda Argentinadı - 14 dəfə. Üçüncü yeri 8 kubokla Braziliya tutur.
Amerika kuboku
Final
24 iyul
Paraqvay - Uruqvay – 0:3
Qollar: Suares, 12, Forlan, 42; 90+2.
