25 iyul 2011 17:49
Mirça Rednik: Onlar komandada qalmasa, gedəcəm
“Xəzər Lənkəran”ın baş məşqçisi Mirça Rednik müsahibəsində komandasında baş verən son proseslərdən danışıb. Azerisport.az rumıniyalı mütəxəssisin bir sıra maraqlı açıqlamaları ilə sizi də tanış edir.
Rednik öncə Lənkəran klubundan ayrılması barədə şayiələrə münasibətini açıqlayıb: “Mən “Xəzər Lənkəran”ı heç vaxt tərk etmərəm. Mən görürəm ki, adımdan çoxlu açıqlamalar verilməkdədi. Amma sizə dəqiq deyə bilərəm ki, mənə Rumıniyadan heç kim zəng etməyib. Mən necə deyə bilərəm ki, Azərbaycana qayıtmayacam? Hansı ki, orda mənə heç yerdə verilməyən qədər pul verirlər. Lənkəranda camaat mənə hörmətlə yanaşır. Adımdan istifadə olunaraq verilən yalan başlıqları görəndə sadəcə gülürəm”.
“Mən Azərbaycan çempionatında Onofraş və Bonfim kimi futbolçularla qələbə qazanmaq istəyirəm. Onlar qələbənin nə demək olduğunu bilirlər. Bu uşaqlar komandaya Avropa Liqasının startına iki həftə qalmış qoşulmuşdular. Bu, o qədər də adi görünməməlidi. Mənim bu gün klub rəhbərliyi ilə görüşüm var. Əgər bu futbolçuları saxlamasalar, o zaman gedəcəm” – deyə Rednik bildirib.
Rumıniyalı məşqçi Joao Pintonun transferindəm 200 000 avro qazanc əldə etməsi haqda iddialara da münasibət bildirib: “Əgər Pinto bizə pulsuz başa gəlibsə, mən onun transferindən necə 200 000 avroa qazana bilərdim? Sonra da buna görə onu transferə çıxarıram. Bu nə deməkdi ki”?
(Adevarul)
