25 iyul 2011 18:41
İnter və Qəbələ sülh bağladı
İyunun 24-də “Şəfa” stadionunda "İnter" və "Qəbələ" komandalarının əvəzedici heyətləri arasında yoxlama oyunu keçirilib. Azerisport.az xəbər verir ki, qarşılaşmanın birinci hissəsində “bankirlər” çoxsaylı hücümlarının birini qolla yekunlaşdırmağı bacarıblar. Mirsahib Abbasov "Qəbələ"in qapısına yol tapa bilib. Ancaq bölgə təmsilçisi matçın sonlarında bərabərlik qolunu vurmağı bacarıb və tərəflər meydandan sülhlə ayrılıblar – 1:1.
Oyundan sonra “İnter”in baş məşqçisi Tofiq Mustafayevin komandasının çıxışı və hazırlığı barədə danışıb: “Oyun gözlədiyim kimi, yaxşı keçdi keçdi. Səhər ağır məşq keçdım ki, uşaqların necə oyun göstərəcəyini müşahidə edə bilim. Bu ağır məşqə baxmayaraq uşaqlar topa rəqib komandadan daha çox sahiblik etdilər. Buna baxmayaraq deyə bilərəm ki, müdafiədə, əsasən sağ və sol cinahlarda zəif yerlərimiz var. Bir cinah oyunçumuz milli komandanın təlim-məşq toplanışından qayıdıb və yorğunluğu hiss olunurdu. Ümumilikdə, oyunun nəticəsini müsbət qiymətləndirirəm. Bir neçə oyunçunu əsas komandada görürəm və onları birinci heyət üçün hazırlayacağam. Növbəti mövsümdə oynayacaq oyunçulara gəldikdə isə onu deyə bilərəm ki, əsas komandanın baş məşqçisi Kaxaber Tsxadadze də “ilk onsəkkizliyə” düşməyən futbolçuları oyun praktikalarını itirməmələri məqsədilə əvəzedici heyətə göndərəcək. Bununla komandanı formalaşdıraraq növbəti mövsümdə layiqli yerlər uğrunda mübarizə aparacağıq”.
