25 iyul 2011 00:11
ŞOK: XL-ın 17 fanatı suiqəsdə hazırlaşır
Azərbaycan kubokunun qalibi “Xəzər Lənkəran”ın bir neçə azarkeşinin Avropa Liqasındakı uğursuz çıxışından sonra qərar verdiyi yeni strategiyasına etiraz əlaməti olaraq həyatlarına qəsd edəcəkləri haqda xəbərlər yayılıb. Azerisport.az xəbər verir ki, Premyer Liqanın ilk turunda “Xəzər Lənkəran” komandasının yenilənmiş, zəif və gənclərdən ibarət heyətlə meydana çaxacağı təqdirdə 17 nəfər gənc stadionun tribunalarında özlərini benzinlə yandıracaqlarını bildiriblər.
Məlumatda deyilir ki, bu hadisəyə görə “kamikadze”lər klub rəhbərliyinin məsuliyyət daşıdığını bildiriblər. Belə ki, özlərini “Xəzər Lənkəran”ın qatı fanatları sayan bu gənclər klubun əsas komandanı dağıdaraq yalnız yerli futbolçulardan ibarət kollektiv yaradacağı xəbərini eşidəndən sonra bu fikrə düşüblər. Nə vaxtsa “Neftçi”nin və digər klubların qarşısında aciz qalacaq komandanın azarkeşi olmağı özlərinə sığışdırmayan fanatlar məhz bu yolla etirazlarını bildirməyə qərar veriblər. (12-ci oyunçu)
