25 iyul 2011 00:58
Bakının son rəqibi müəyyənləşdi
Növbəti mövsümə hazırlıqlarını Sloveniyada davam etdirən "Bakı"nın yoxlama oyunu keçirəcəyi sonuncu rəqibi müəyyənləşib. Azerisport.az xəbər verir ki, paytaxt təmsilçisi Türkiyə klubunu sınağa çəkəcək.
Belə ki, "zolaqlılar" Superliqada çıxış edən "Antalyaspor"la qarşılaşacaq. Türkiyə təmsilçisinin rəsmi saytının yaydığı məlumata görə, oyun Bakı vaxtı ilə saat 19.00-da başlayacaq. Lakin hələlik bu barədə “Bakı” tərəfindən rəsmi açıqlama yoxdu.
Qeyd edək ki, "Antalyaspor" dünən Sloveniyada digər klublarımızdan "İnter"lə qarşılaşıb və oyun 1:1 hesabı ilə yekunlaşıb.
Bundan əvvəl üç yoxlama oyunu keçirən "Bakı" Sloveniyanın birinci liqa təmsilçisi "Radomlje" (1:1) və Yunanıstanın AEK klubu (0:) ilə heç-heçə edib, Türkiyənin "Kardemir Karabükspor" komandasına isə məğlub olub - 0:2.
